Alamat ng Sabitan By: ISaaC RaMos
Nuong una’y gulud-gulod at sa dahon'y madawag
Kahit isang munting dampa’y wala noong mamamalas
Hunihan ng mga ibon at sa dahon na lagaslas
Ang duo’y maririnig walang tigil oras-oras.
Pumutok ang himagsikan, unang gulo sa Kastila
Naging isang pook itong tipunan ng mga mandirigma
Kung sila ay may gagawin bago nila isagawa,
nagtitipon muna rito sa pook na mapaya.
Ngunit walang anu-ano sa kanilang pag-uusap;
May dumating na sundalong may Kastilang dalang bihag.
At sa galit ng pinuno sa Kastilang asal hudas
Ay iniutos na isabit sa mataas na palapat.
At sang-ayon sa balita, sa matanda ay naringgan
At sa dami ng Kastila na nasabit sa sabitan;
Ang nayon kong dati’y gulod, ang nayon kong dati’y parang
Sa dami ng nangasabit, SABITAN ang naging alan.